माहेरवाशीण              

(काही वर्षापूर्वीची)                        (सध्याच्या काळातील)

गाडी आली घुंगुराची,                    आली रिक्षा गेटवरी,

लेक आली माहेराला|                    लेक माहेराला आली।

गेला होता ग लाडका,                    नव्हते कोणी स्वागतासी,

भाऊराया आणायला |                  वोचमनने रजिस्टरला नोंद केली।1।

लिंबलोण आनंदे उतरी,                 फ्लॅटचे बंद दार पाहुनी       

हसरी ती वहिनीबाई |                    बेल वाजवी ती दारावरी। 

आई आणि बाबांच्याही,                  थकलेले आई-बाबा,

आनंदा पारावार नाही|                    हसतमुखाने आले सामोरी।2।

मामा मामीच्या भोवती,                   आय टी मध्ये भाऊ-वहिनी,

गलका होतो भाचरांचा|                   नाही मिळाली गं सुट्टी।

आणि आईच्या मिठीत,                   थरथरत्या हाताने आजी     

देह विसावतो लेकीचा|                     पाणी आणते नातवांसाठी।3।

आई मायेने न्हाऊ घाली,                  सकाळी डब्यांची घाई घाई,

जरी अंगी नसे शक्ती|                      घाई कामवालीची गं पुन्हा।

आईची ग माया ती,                          लेकीला न्हाऊ घालण्याची,

वर्णावी किती किती ?                       इच्छा पुरी गं होईना।4।

लेक आली माहेराला,                       माहेराला लेक आली

आज केली ग सांजोरी|                     ' स्वीग्गी ' धावली मदतीला।  

उद्यासाठी पुरणपोळी,                      पिझ्झा, समोसे,वडे नाश्त्यासाठी, 

रोज नव्या नव्या खिरी|                     घरी बनवण्या वेळ इथे कोणाला?।5।

किती करू लेकीसाठी!                    टी. व्ही.वरील कार्टून,

मन आईचे भरेना|                             आणि मोबाईलवरती गेम।

आईची ती माया,                               नाही कोणी खेळायला, 

ओसरता ओसरेना|                           मुले बसली गं रुसून।6।

विटीदांडू आणि गोट्या,                     ऑनलाईन मागविली साडी,

खेळ रंगतो मुलांचा|                            ऑनलाईन खेळणीही मुलांसाठी।

आई आणि मामीसंगे,                         मुलं बसली हटून,

खेळ चाले भातुकलीचा|                      मॉल मध्ये जाण्यासाठी।7।

रोज नव्या नव्या गप्पा,                        लेकी संगे काय देऊ?          

वाटतो वेळच अपूरा|                           विचार करते गं आई।           

दिवस संपले बघता बघता,                  शेवटी भावाने देण्यासाठी              

लेक निघाली सासुरा|                          आणली गं मिक्स मिठाई।8।

        

लेकीसाठी साडीचोळी,                       लेक निघाली सासुराला,

मुलांसाठी कपडे,खेळणी|                    रिक्षा मागविली दारी।

कुरडया आणि पापड,                          आई-बाबा निरोपला,

संगे मुरंबा लोणच्याची बरणी|               भाऊ-वहिनी नाही घरी।9।

         

गेली घुंगुराची गाडी,                             तरीही लेक समाधानी,      

मनी दाटली हुरहूर|                              तिजला वाईट नाही वाटले।

मागे चाले वेडी माया,                           आई-बाबा,भाऊ-वहिनी,

डोळी आसवांचा पूर |                          चार दिवस तरी भेटले।10।

कुणी लिहिले माहीत नाही पण दोन्ही दशकांचा साक्षीदार.

 ___________________________________________________________________________________

अशा प्रकारच्या आणखी माहितीसाठी कृपया ब्लॉग चॅनेलला फॉलो करा व इतरांनाही या माहितीचा आनंद मिळवून देण्यासाठी ब्लॉग शेअर करा.

ब्लॉग शेअर करा - 

                                 

ब्लॉगिंग ऍड्रेस :- bhakare.blogspot.com

__________________________________________________________________________________________________________________________________________________________________________